şikayetme le çerxî asmanî bê wefa îmro
From the Book:
Dîwanî Xadim
By:
Khadem (1895-1953)
2 minutes
852 views
şikayetme le çerxî asmanî bê wefa îmro
ḧîkayetme le dewranî zemanî piř xeta îmřo
felek çerixt be çep sûřayewe çerixt şikê ya řeb
nebûy satê be řêgey řastî da aşna îmřo
be kamî załman exulêtewe çerixt hemû katê
be kamî bê newayan qet nesûřawî heta îmro
diłî saḧêb diłan wek kasey piř xwêne ẍembare
serî saḧêb huner wek gułe meydanî cefa îmřo
le wirdî wek ebî werdî kesê ’alîm bê lem ’esre
kemałî nabê em zate kemałî ger nema îmřo
le beynî dostan dostayetî wek murẍî ’enqaye
be zay’ çû ḧiqûqî sabîq û mîhir û wefa îmřo
miḧebbet ciddyatî tya nemawe her hezelyate
be ciddî kes be kes nałê fiłanî merḧeba îmřo
be padaşî çebû men’im le ’uşretda ejî daym?
gunahî çî bû qûtî zehrî mare bêtû îmřo
le řencî şanî mezłûmane esbabî me’aşî ew
ebînim her ḧeqî mezłûme wa eřwa beba îmřo
serî xałî le fikir wihoş ebînim xawenî tace
diłî bê dił ebînim wa le seyran wisefa îmřo
kewa bû goşegîrî lazmî em ’esreye xadîmPen name
ḧeqayq her wekû eş’arî to řoyî heba îmřo