ey çiray şewqî cemałit şem’î ḧucrey sînekem

le sałî 1947da le kotayî mangî maysda le paş êware le katî geřanewe le małî şewket begewe berew małî xoman we le katî nanxiwardinda dengî qur’anxiwênêkî xoş day be gwêma, dił û hestî cułanim, ke pirsyarim kird wityan şêx ’usman teşrîfî hênawe wa le małî kerîm beg, îtir newêsam û hełsam çûm bo zyaretî řêkewt beranberî danîştim her le řasya zorî pê neçûmḧebbetêkî çuwe diłmewe, we etwanim binûsim ke mesîrî dinyayîm gořa, bełam mu’arefe nebê be hoy kerîm begewe qisew basêkî weha neçuwe beynimanewe bo beyanîş dûbare eçûyne «komar» - ke nawçeyeke le «qereblaẍ» le qezay kifrî - çûyne xizmetî, cewazman xwast fermûy toyş eçî? ’erzim kird: bełî. fermûyan mubareke bełam tê geyîştim ḧezî ekird le lay bim legeł eweşda řoyştimim paş hatneweman ew çûbû bo «qizrabat» minîş çûm bo layan le xaneqay şêx ’arfa bûn, derkewt be çûnim mesrûr bû, paş mîqdarê ’erzim kird şekwa û derdêkî dûr û dirêjim heye, teşrîfî hełsa bo xaneqa û le mîḧrabekeda danîşt we minîş şekway şakel û derdî diłî xom bo hełřişit, îtir derkewt te’sîrî bû we çen kelîmeyêkyan fermû, ewe bû biçim bo byare lepaş yek dû şew îcazey geřanewey dam, xoy mayewe bo xaneqîn û beẍda eçûn, emca ’ezmî seferî byare qerarî qet’î bû, bełanim daxî giranim le xoşya ewende zû çûm ew nehatbuwewe, tenha şêx ’eladînim zyaret kird, geřamewe em parçe hełbestem be sûretî şikat pêşkeş kird. herçende em qise û basane lem řojaneda tamêkî nemawe bełam belay minewe em basane be nîsbetî hawşanî dînî ḧenîfî îslametîye, ta ew şewket û şikohî bê em basaneş le şewqaye, be taybet em serguzeşteye řûnakîyekey day be çawî xomewe eme parçe hełbestekeye: