le çaweřwanî nalîda

baranêkî agirîn û asmanêkî pîrozeyî
melî lane şêwawmanî, ’aşiq kird be giřî sipî
baran.. baran, agir, agir, asman.. asman, bûne jyan
bo kotrî şêwawe lan, bûn be lan, be nîştiman
ey řêjne baran
ey qubbey asman
ey melî bê lan
bo ’îşqî sipî sema- ken
gerdûnane temaşa-ken
ey ahuwekey xane bêzar
key dêytewe? key.. key? bo şar
key dêytewe lay ḧebîbey
małî away, wêrane mał?
nîştimanekem awedan biken
xudî netewem, şaristan biken
le asowe tîlmaskêkî ał û berîn
kotrekanî, weku diłman, bexuř degrîn
degrîn bexuř, degrîn bexuř
bo tîlmaskêkî ał weku giř.
ey tîşkî behewr dij
ey hewrî řeşî qij bij
ey tarmayî herdem girj
bo umêdî ew asoye.. çok daden
bo ew hemû řeng û boye.. çok daden
haka lafawî řêjaw
cêy dize pêy şûştewe
haka ’îşqî xoretaw
dewarî hełxistewe
ziringey pyałe û gîzey semawer
debnewe hawřêy şemał û sêber
haka hewałî bûkî tara ał
geyşte zaway berdemî řeşmał
zengî wiłaxî karwanî behar
ḧezretî «nalî»y xistewe guftar
kotranî şî’rî lan şêwawî min
pepûley řuḧî dił řencawî min
leser tenafî şextey ẍerîbî
hełkurmawin û êstaş delerzin
ey ahuwekey xane bêzar
tikaye bêrewe bo şar
bêrewe bo lay ḧebîbey
małî away, wêrane mał
le asowe řêbwarêkî xem şîrîn
çawenwaře ’areqî mandûy bisřîn
kaşka hemû yek dił û gyan bo lay deçûyn
kaşka bedîdarî sewzî serberz debûyn
deçûyne lay
deçûyne lay
yek dił û gyan, bê řik û kîn
yek dił û gyan, bê řik û kîn
hemû xemman
hemû xemman dekird be yek xemî şîrîn
hemûman
hemû xemman dekird be yek xemî şîrîn