le řêy diłdarya jînim be ba řoyî be namradî
mehabadî
From the Book:
Dîwanî ’Ewnî
By:
Awni (1914-1992)
2 minutes
800 views
le řêy diłdarya jînim be ba řoyî be namradî
le şwên yara wekû şêt kewtime deşt û kej û wadî
le destî çarenûs xoşîm nedîwe ẍeyrî na şadî
le ber cewrî kesêkî koyî bêzar bûm be bê dadî
felek xistimye berdest çaw cwanêkî mehabadî
ke yar wîstî guzer bênê le řêyda kewtime ber pêy
nyazim bû ke derfet bê nihênî dił bipirsim lêy
minî dît tûře bû fermûy le řêgam lakewe to kêy
ke lêy dam ẍemzeyêykî xistimî hestam weham gut pêy
kiçî kurd aferîn bo to ke çalakî le seyadî
le neyřengî zeman û dû řûyî em xełke tê mawim
heta dwênê çi bû îmřo çîye min boye tasawim
gutim: nabê le řêgay řastî xom la dem heta mawim
gutî: her kes ke kewte bend û dawî perçemî xawim
meḧałe ber bibê nabê bika qet bîrî azadî
be leylayî ke duber dest û pêy bestim wekû mecnûn
be şîrînî ke pîşey kirdime hełkendinî bêstûn
gutim: qurban çîye em ’aleme wa dîl û bendî tûn
le kurdistan nebû sîḧir û telîsim û cadû efsûn
le kwê fêr bûyî şoxî û dulberî wa hênde ustadî
be naz winaskî şoxî hunerkarî diłî birdim
be ẍemzey çawî fettanî le sed la cergî let kirdim
le kem hestî û be dił pakî minî dît têgeyşit kurdim
be şêwey şîrnî toqî evînî xoy le mil kirdim
minîş wa lê biřawim bênme dî akarî ferhadî
ne pêwîstim be darayî û ne hîwam textî daraye
ne meylî bezmî cemşîd û ne diłxoşîm temennaye
le kořî ême şîne giryeye řo řoye ẍewẍaye
emin mecnûnim û zincîrî estom zulfî leylaye
eger meylî bibê ya xo nebê min her dekem yadî
le yek řengî gumanim bû ke çî em çerxe sed řenge
gułałe řengî sûre çunke xwênawî dił û cerge,
le bawe bed řewştî, çake êsta şûreyî û nenge
le dûrî toye ’ewnîPen name kewtuwe wa çaweřêy merge
ke net bîst çawekem carê çirîke û dad û feryadî