jêr her dayk, ser berdêk
bo azadîy kurd
From the Book:
Dîwanî ’Ewnî
By:
Awni (1914-1992)
1 minutes
691 views
jêr her dayk, ser berdêk
sûr buwe be xwênî kurdêk
bem xwêne weha nûsrawe,
bo azadî kurd řijawe
řojêk em xwêne lafawî
dujmin lûl deda gerdawî
debête lafaw û şepol,
degrête pêş xoy deşt û çoł
xawenî em xwêne sûre
lawêkî kurdî cesûre!
boye bextî kird jyanî
ta řizgar bê kurdistanî
mêjûy kurdiman kon û taze
lay nedawe lew řêbaze
êsta raburdû û dahatî
her xwênîne beser hatî
lawêk le řêy nîştimanî
bext bika gyan û jyanî
her demênê naw û yadî
şehîdî řêgay azadî
sûr hełgeřa řûy gułałe
awdira bem xwêne ałe!
meselêkî zor meşhûre
kurd ’aşiqî řengî sûre
lem şwêney xwên zor řijawe
gułî řenga û řeng řuwawe,
çepke gułêk heł debjêrim
le katî xoy boy denêrim
deste gułêkî řazawe
pêşkeş be gyanî ew lawe
ew lawey zor be çalakî
bexşî be kurd gyanî pakî