cêgořkê le guzarekarîda

we ya le basî cêgořkê (qelb) le guzarekarîda -nek le barî cwankarîda- ke řwałet bikirê be penamekî û penamekî bikirê be řwałet hełgeřandineweyek peyda ebê. be wêne wekû «nûḧî» ełê:

řengî asman şîne, řengî zewî tozkare. řengî asmaneke bû be řengî zewî, wate leber zirme zirî swaran ewende toz kewtote asman, řengî ew wekû řengî zewî lê hatuwe. hûşekaryeke be corêke, ke gwaye zewî leber çepokanî espî cengaweran hîçî nemawetewe û lenaw çuwe!

herweha le pexşanîşa leber mebestêk em cê gořkêye heye, wekû ełê:

«dewareke heşt hestûnî ewê bo ewe lengeryan bixate ser» le esła ebê bûtrê:«bo ewe lenger bixate ser seryan» em řisteye be cê hêştuwe -wate ziman- çuwe bo ew řistey pêşû, hênay leber ewe ke ew «ser»ey labirduwe û řistekey kurt kirdotewe «an»y cem’ekey pêş xistuwe. bem îşey hem řistey kurt kirdewe, hem ḧesrêkêşî dirust kird. ḧesreke eweye her çê giranayetî xoy heye bîxate ser ewan, bełam «bîxate seryan» ya «ser seryan» ew ḧesre nabê bełkû etwanê beşêkî lew lengere bixate ser şitêkî tirîş, tenya serekey ewan lem bareda şitî tirî naxrête ser û terxan ebê bo ew.

a em destûreş zimaneke dirustî kirduwe, min û to dirustiman nekirduwe, min û to tenya eweye lêy ekołînewe. destûr leser ziman da’enrê, ziman leser destûr dananrê.