paqley mîsir le dastanî kurdî ełê...

paqley mîsir!

le dastanî kurdî ełê:

le serdemî xoya, le serdemî fîr’ewnekana le mîsir ew «ehram»aney ke êste hen, dirust kirawin. hemûyşî be dest û şanî xełkî mîsir kirawin û ew xełke wekû «qul»we, bełkû her bende bûn le berdestî fîr’ewnekana. ekewête serdemî «darim» ke yekêk buwe le fîr’ewnekanî mîsir. dengedengêk le naw xełka peyda ebê ke ême bo çi bemcore biçewsênrênewe? em ehrame zil zilane leser şanî ême dirust bikirê? em deng û base egatewe ber gwêy darim. darim legeł wezîrekanya ekewête řawêjkirdin. wezîrêkî jîrî ebê ełê maweyek waz bêne le ehram dirustikirdin û çarî bixere estoy min. darim ełê başe.

emca wezîr ferman eda ke le hemû wiłatî mîsra dest biken be paqle çandin. xełk ekewne çandinî paqle û paqle xwardin. çwar pênc sałêk beser emeda tê epeřê. řojêk le řojan dû kuřî dirawsê -ke małekeyan beranberî yek ebê- ebê be şeřyan û şikat egate lay wezîr. wezîr bangyan eka û lêyan epirsê ke çîye?

yekêk le kuřekan ełê ew kuřey dirawsêm le berdergay xanuwekey xoya singêkî dakutawe min qayl nabim bewe. lewî keyan epirsê bo çi esniget dakutawe? ewîş ełê řojêk le řojan eger parem hebû espêk ekiřim û lewêda eybestimewe. lewî tir epirsê ey başe to bo çi nayełî? ewîş ełê minîş eger řojê le řojan parem hebû jin dênim, ke jinim hêna minałim ebê, minałekanim eçin bewêda espeke leqeyan lê eda emirin, leber ewe nayełim singeke dakutê.

wezîr heł’estê eçêtewe bo lay «darim» ełê xełkeke pêgeyştûn û dest bikerewe be ehram dirustikirdin.