sałî 1923 seyd ’ebdul’ezîzî şêxul’îslamî...

sałî 1923 seyd ’ebdul’ezîzî şêxul’îslamî sine, serheng xanêkî ḧakmî ew wiłate dûrî exatewe û eynêrê bo hemedan. egate «qirwe» lem lawe boy tê ekewn û ew dûr xistineweye la ebrî û şêxul’îslam egeřêtewe bo sine. mela feyzułłayek hebû şa’ir bû, şî’rî bo pyawegewrekan da’ena û şityan edaye. be hoy geřanewey şêxul’îslam parçe şî’rêkî farsî ser selametî şêxul’îslam û geřanewey da’enê û eçê le dîwexana boy exwênêtewe, mefhûmî şi’rekanî ewe ebê: le paş ser silametît nezirim kirduwe leser xom ke to qisey xoşim le geła bikeyt û be hoy geřaneweşt zyafetêk bikey bo ew ’aleme û minîş bang keyt, aẍay nîzamul’îslam hemû car qisey xoşim legeł ekat û emdiwênê, bo eweşt nîye. emca şêxul’îslam dest eka be qise kirdin le gełya û ełê: mela feyzułła fire xasî şukir, eḧwałtan çone, ewe bo çî serman lê nadeyt? min gicarê tom be diła têt, xoştim gereke, ḧez ekem car car derkefît. mela feyzułła ełê: şa şa, ewey pûłî tê naçê eyka, welê ewey pûłî tê eçê nakefête qerey. şêxul’îslam û danîştuwanî meclîs hemû dest eken be pêkenîn. şêxul’îslam ełê: nezrekey tirîçit ekeyn. her lewêda emir eka pareyekî başî edenê, de’wetêkî gewreş eka û mela feyzułłaş eçête nawyewe, ełê: aẍay şêxul’îslam awa ewê.