îmşew hem xeman wenem serdawe
From the Book:
Dîwanî Mewlewî
By:
Mawlawi Tawagozi (1806-1882)
1 minutes
2495 views
îmşew hem xeman wenem serdawe
ser ta pay tenim ayr werdawe
cestey ze’îfim, îstîxwanî řêş
her azay řêşim megrya pey wêş
goşt û postekem neft pêda řijya
meẍiz û îstîxwan we hemda pijya
kes nebî awêş bikero serda
biłêseş berz bî we her terefda
zahîren diłim hem kosiş keften
daxom ce dosan hem kê dûr keften?
ce tawî ayr tenûrey derûn
dîsan serwaz kerd zuxaw çenî hûn
saqî bawere ew mey dû sałe
pêmder yek camê ḧałim bed ḧałe
muẍennî! kokker sazanit we hem
semtûrê, tarê, we hem kere cem
neyçî! sa lêder, qezat we małim
demê der ce ney, derûn zuxałim
hoşêker hamferd! sazan bisaze
bałat wekałay xeman bûraze
bawere bisat temam teyar ke
şewxeftenî şûm be jarî mar ke
qezay penceket dek le min kefê
xeylê ’aczim, sa lêder defê
bawere kûrey dił ne cehd û cext
řûy tewbîx welay me’dûmîPen namey bedbext