şêx ’ela’edînî byare le 1954/3/18da...

şêx ’ela’edînî byare le 1954/3/18da koçî dwayî kird. şêx ’usmanî kuře gewreyan le şwênî dana, bo pirsename û şadmanî cênşînî le 1954/3/26da nameyekim bo şêx ’usman nûsî, be nawî parçeyek le edebî namey kurdîyewe wênekey lêreda nûsrayewe:

cênşînî binemałe û hîwabexşî ew małe, ew koçey şêxî byare û gułî ew dyare kirdî nêşî cêge birînî le diłî dost û yarana gelê besoztire le tîrî xerqepoşan le goşey diłî meynoşana!

dinya hewargey bêkesan û bênewayane, ew kesey řûbeřûy mezarî pak ebêtewe bo cêgayekî dyarî ser enêtewe, le nemanewe řû ekate man, le kołîtî bêwefawe eçête koşkî basefa, kewate wa mezane şêxt řoyşit, wabzanî çûnî bo mante û manîşt bo şante.

ew şwêney to lêy da’enîşî cê małe gewreye, şêxanî řabirdû pêyan řewa bînît be gułê hemîşe beharî ew baxe, çawit le şwênî şwêndaran bê, agirî kîney yaran be awî derûnî firawanî xot bikujênewe.

ke wat kird, jyanit jînî yaran ebê û nemamit serberzî baxî azadan. řewanî pakî şêxî řabirdû le beheştî berîna le kořî xwanasana nizay serfirazît bo eka.

minîş diłit edemewe be sûrey mubarekey fatḧe... dostî ew xanedane

secadî