kabrayekî kurd cûtê ga û kerêkî hebû,...

kabrayekî kurd cûtê ga û kerêkî hebû, hemû řojê gakanî ebird bo cût, řojêk yekê le gacûtekan çuwe lay kereke û witî: le řêy xwada tegbîrêkim bo bike, xo min ewende cûtyan pê kirdim pisam. kereke witî: êware, ke kayan bo hênay û kiznyan daytê meyxo, înca xawenekeman wa ezanê nexoşî îtir cûtit pê naka. le ser tegbîrî kereke gacût êware ne kay xward û ne kizin. kabray xawenî witî: eger cûtekem pekî bikewê małwêran ebim, çak waye sibey kereke berim le geł gacûtekey tir cûtî pê bikem heta gage çak ebêtewe!

înca kerî daye ber û birdî. êware ke le cût hatnewe kereke witî: eme min çîm kird be xom?! eger çarêk nedozmewe tyaçûm! hesta çuwe lay gacûteke witî: fiłanî! le ber qarî to derdî xomim le bîr çotewe. pirsî: boçî? witî: aẍakeman îmřo legeł gasênêk qisey ekird eyut: gayekem nexoşe eger çak nebowe sibeynê were lêm bikře serî bibře! gacûtî hejar ke emey bîst êware destî kird be ka û alîk xwardin. bemcore kerî qumarbaz xoy le cût řizgar kird û serî gay xistewe jêr nêł!