diłey xemanbar xem werdey xaran
From the Book:
Hewargey Diɫan
By:
Seyyed Taher Hashemi (1915-1991)
1 minutes
831 views
diłey xemanbar xem werdey xaran
xem berde ce xem tay zułf yaran
ce kizey qirçey zam nasorş
ce neway çûn ney, nałey sed corş
ne xew ne aram ne diłşadîmen
ne ’eyş ne ’işret ne azadîmen
azîz bu we ’işq zułf xem werdet
bew dîdey ceyran, ce sa sił kerdet
bew qews qetran hûnkar řendit
bew gonay gułfam diłan pesendit
bew bînî bê’eyb, yendi’eybiş nîyen
’eqił wihoş perêş sergerdan bîyen
bew nuxtey serxet setiḧ zindegî
mekeroş şahan ałem bendegî
be girdî zenex, yend şox û řenden
fikirfelsefî cêş ḧeyran menden
bew mînay gerden řexşendey enwar
şew mekero sub ’aşiqan zar
bew şîrîn leban ’eqîq meyweş
bew ẍemzey qatił, bew naz serkeş
perêş merhemê bikyane we cext
beł xelasîş bo cey zaman sext