nameket yawa kosim keftewe
From the Book:
Dîwanî Mewlewî
By:
Mawlawi Tawagozi (1806-1882)
1 minutes
1072 views
nameket yawa kosim keftewe
diłey ahîrîn da we neftewe
takey to bew zam, min wey derdewe
to bew kawewe, min bey herdewe
teşrîf bawere cergeman cem bo
beł wey cem xemê ce laman kem bo
bêsaranîyen ne toy ferdî min:
«xem çenî xeman zû mebo sakin»
henasey serdim ne dił xêzawe
xêłxaney keyfim hewar bêzawe
weyşûmey meynet tem engêzawe
wełgekey şadî ser teł řêzawe
coy çemey şewqim hem yex kerdewe
mezre’ey hestîm şełte berdewe
neş’ey wextî sext amay payîzen
ya şinoy dûrîy bałay azîzen