namey ’enberbot bad subiḧ awerd
From the Book:
Dîwanî Mewlewî
By:
Mawlawi Tawagozi (1806-1882)
1 minutes
826 views
namey ’enberbot bad subiḧ awerd
’etirş zamekey konem taze kerd
mutałe’em kerd we dem derdewe
cefakey werîn ce yad berdewe
mefhûm bî teḧrîr weş teqrîrekeş
me’lûm bî ce lay xestey tîrekeş
fîday xamet bam we yadim kerden
yadim nimeşî ta we řoy merden
bełam ce dûrît şay saḧîb şertan
dûdî dił we çerx heftemîn yawan
dûrît çun ełmas nîşten ne cergim
ha wexten beyo wadekey mergim
daxî bałaket berûn we giłko
we hambałay wêm xakim we ser bo