nesîm dûy derûn çun herde caran
From the Book:
Dîwanî Mewlewî
By:
Mawlawi Tawagozi (1806-1882)
1 minutes
604 views
nesîm dûy derûn çun herde caran
îmcar der ne kax demax yaran
waçe dîm we çem dêwanekey to
rûş kerden ne řûy asanekey to
namey ayrîn diłsozît yawa
biłêsem we say gerdûn ser sawa
soçna cestey zametan xeste
laberd toy derûn diłey derd geste
weşî û şadî û zewq pey ême nîyen
ce desman řiştey řaḧetî şîyen
dujminîy fełek pêman qedîmen
çenîman meynet qedîm nedîmen
mestî badey kef řozgaranîm
bêhoşî hîcran qedîm yaranîm
ne dił ew diłen, ne hoş ew hoşen
ne fam ew famen, ne goş ew goşen
her katê zanay fełek nerdê şend
wêney ham caman, caman we ca mend