tawan
From the Book:
Dîwanî Miḧemed Saɫḧ Dîlan
By:
Muhammad-Salih Dilan (1927-1990)
3 minutes
958 views
tawan merdî û tawan barî asane
zor kirdinî mayey payey girane
kam ser berz û kam mil řast û biłinde
be yek mişt newî kirdinî bende
çen despakbê, çendey tir dił xawên bê
pare naka ebê destewdawên bê
bo ew kesey le piştewe etpêkê
le çawî ew ebê hełbidey pêkê
be řoyînî bo paşewey swêndixor bê
çepłekutî saxte kerî sed cor bê
ebê be diz be xwawendî fêłbazî
biłêy gewrem. hoy serberzî û şanazî
kam cê bogen kamî hêcgar naxoşe
ebê biłêy بەە بەە lem bone xoşe
ebê be řoj ke çen řûnak û pake
biłêy şew zor tarîk û samnake
tawan berzî û tawanbar nirxdare
maye yek û destkewtnî hezare
ey nazenîn ey dûr le dûy em şare
sał legeł sał her xozgem be pêrare
bo řabirdû, le katêka behar bû
cêy zemawen karêzî berbinar bû
nazdarekan ceste be wêney herde
řazawe bû wek gułî ew lay berde
bo nazdarî řuxsarî şengî ewan
sûrawî kał eřjaye dem erxewan
heng heł’efřê bo hênanî hełałe
bo hengiwînî ser lêwî wek gułałe
dengî bilwêr, sozî bestey diłdar
xemřewên bû bo şewgarî bêdarî
zêřî nêrgis be xerwar hełřijaw bû
çepkî bo ser, telî le sing dirabû
lûtkey berzî meşxełî giř le mista
çiraxan bû bo ahengî awêsta
asmanî şew piř çirîkey yezdanî
xwakirde bû newrozî nîştimanî
ey nazenîn em wułate şîrîne
em şaxane, em dîmene řengîne
carî caran mełbenî cwamêrî bû
piř le fiřke bazreqey şêrî bû
keçî îsta hemû şitê gořawe
řeş û sipî le cêy yek danrawe
guł bo agir xunçe bo naw tûnxane
diřkudałyan hênawete încane
hêcgar seyre xom seyr tir şêwawim
leş bo neheng keştî bo naw gerdawe
ey nazenîn her dû berg xwênawîn
her dû be kuł bo em kurde giryawîn
giryanêkî le daxana.. nek tirsan
le bêgane, bo dujminî le xoman
bo azarî cergibiř û bo êşê
dar pwazî le xoy nebê naqłîşê
bo.. weku kew lesay dewen be xwêndin
haw tîreman řabkêşîn bo mirdin
ay ke nenge ay ke abřu tikane
ke gewreye encamî em tawane