pelke zêřîne
From the Book:
Dîwanî Miḧemed Saɫḧ Dîlan
By:
Muhammad-Salih Dilan (1927-1990)
1 minutes
1245 views
behar.. bê aw.. bê baranî nîsane
şewnim zadey qûłî piřmey giryane
wenewşey şîn bergî şînî poşîwe
nêrgisî xişłî zerdî xemî kiřîwe
serçawekan bê hařen û bê hajen
polî melan bê cîwe cîw bê qajen
zor demêke biroy pelke zêřîne
şardirawey peçey temî dêrîne
çiroy dirext girj û lêw hełqurtawin
sał direnge û le pêkenîn torawin
behar zwîre payîz asayî çare
weku cwanê nexoşkewê dyare
ey şepolî xeley qutabxaney em
em serdemey lêwa û lêwî pyałey xem
serincî ho be êwewe bestirawe
hoy bawkekan le gerdintan nirawe
êweş leber geşey beharî jakaw
leber dengî tavgey qełbezî nûsaw
leber cwanî řuxsarî em wiłate
ke bûkêkî nemrî řojhełate
deyxiwênin ba be xwêndin be fêrbûn
ba behuner betêgeyîn le gerduzun
hoy derd û dûy beharî pê dyarkeyn
seyranekey beharekey car car keyn