beheştî firmêsk
From the Book:
Dîwanî Miḧemed Saɫḧ Dîlan
By:
Muhammad-Salih Dilan (1927-1990)
2 minutes
910 views
ey şewezeng, ey tarîkî, ey řeşayî şew
dey... bałî řeş bikerewe bo çawî bê xew
bo bêdarî.. řojî řûnî... tarîk û tałe
bo naçarî... ke řoj hergîz zîndane lay ew
kam pêkenîn piř le gułe û geşî awate
bo ew zengî be nasurî řêgay nehate
kam wirşey řû ya kam piřşey estêre
çawî cigersoze sîne doze ebřê henawî
lay ew wêney estêrekey dijî karwane
xiştebere řêgay dirêje be nizîk zane
kam guł cwane, kam bon xoşe, kamyan be pîte
lay ew hemûy cadugerî û nerîte
guł ebînî demî birîn dête berçawî
nek birînê hezar birîn enusrê nawî
mel bixiwênê, kořî şîwen peng exwatewe
le naw serya ay řołeřo deng edatewe
bałay dirext new nemam bê ya pîredar bê
řast hełçûbê ya şořebî qerax kenar bê
tirsênere çonke payîz ke xezanî kird
cwane mer gan dêne yadî ke deste mird
qedî çemî řengawřengî pelkezêřîne
lay ew yadî fwarey xwênî řijawî qîne
bê dirêje sirûşt çende řazawe û cwan bê
direwşedar, diłfiřên û popî awaz bê
kûrey xeme, desgay derde, pişkoy
sûtanemayey henisk û axî meydanî jane
bo ewkesey taqe şewê, şew le şewanî
nirx û feřî germ guřî firmêsk bizanî
ey şewezeng ey tarîkî cêgay aramî
cestey kiftî piř le xwênî zam leser zamî
em wiłate dêrîneye em gele kone
toy awat boç řeng û řût le řastî mote?
toy awatî, toy kuncî meng merzî sigałay
piř pêstêtî tarîkî řeş bibře bebałay
bełku le paş kewtine naw deryay řeşayî
pel bibzêwî bo tiruske xinka û asayî
legeł tałî sefîdey ser çyay nîştiman
tînî xizmî tewjimî kes bêtewe gyanman
beseryekda ke hatnewe ser bîr û serfam
têr biřêjîn kułî derûn, giryanî encam
ewsa ełêyn.. bo koçkirdû û çałî piř êsk
ay çen xoşe aw û heway beheştî firmêsk