silêmanî
From the Book:
Dîwanî Miḧemed Saɫḧ Dîlan
By:
Muhammad-Salih Dilan (1927-1990)
3 minutes
1109 views
mamzî naw qamîşełan
gwêçkey tepî bo řaweşan
wekû şoxê
milî berzî bo hełbiřê
nîgay řeşî bo dûr fiřî
lekełî berdemî xuřî
bemirqey.. bałinde teřî
witî: heste xirmey sware
dese ciłew berew xware
wadyare be sedhezare
řêçkey leşkirî dwayye
dengî tepłî paşayîye
serçinar:
mamzî naw qamîşełan
simî tîjî le zong çeqan
leser çîmen cêpêy dyare
lûtî řewey berew xware
be gûmete û zaq û baz
dûrkewtewe le tîr û baz
katê geyşte serçinar
dî.. peykerî cwanî behar
cestey şengî řazayewe
sirûştî tya ḧesayewe
îstêkî kird
qoçî bo ser qepirẍey bird
witî: meřon
řuxsarî şew
bem awî jyane bişon
taze tîrî swarey beyan
tênapeřê le kanêskan
tênapeřê nagate naw
řewey teřey lane şêwawe
şarî taze:
bo beyanî
bo sibeynê... mamz řwanî
teqey tewre
egirmênê
ełêy hewre
ebarênê pelî peřawe
bebar.. be taw
dar biřîne
le hemûla hełpeřîne
gurîs le dûla le dare
wek mêrû le řêçkey bare
ey kotrî tînûy gwêy aw
çi base le laney şêwaw
lapeřeyekî şardirawe
nyazî şeře yaxud řawe
em qyamete hestawe
ebê dîsan limozî
tînûbê bo xwênî estom! bo
sûtandin bo xinkandin
bo dirextî zil peřandin
ya hemdîsan gurgî
birsîye bo leş û cestem
ebê çî bê
ebê çen guł hełwerî bê
wa baxewan wêney caran
kewtote dengidanî yaran
wełam:
ey mamzekan gwêçke hełxen
şaxtan le naw şaxî kełxen
şeře qoç ken
ewa paytext
gwêzrayewe bo şwênî text
bo emdîwî qełaçolan
bo tenîştî girdî seywan
şadî:
waşayye
wadey azar řehayye
ay çen xoşe
hemû şitê be peroşe
bo em kate bo em sate
bo em dewrî feř û hate
wa bełqîsî dar erxewan
bebûk bira bo silêmanî
nasorudax
ey nazenîn
xway dem û lêw xway pêkenîn
bew yadewe
dest û pence be badewe
bêne camê lem şerabe
mezem laye... dił kebabe
bo řabirdû
bo xewêkî ledes derçû
ewa îsta
gyan nasrewê lenaw pêsta
lekê... pirs keyn.. kam
serî taze weřes keyn
boman baska
tosqałê mêşkiman kaska
diłî yaqûtî em şare
bo wa bote pare pare
bergî em merze řengîne
bo weku pîroze şîne?