bêxodî şa’îr
From the Book:
Dîwanî Miḧemed Saɫḧ Dîlan
By:
Muhammad-Salih Dilan (1927-1990)
2 minutes
1400 views
ey mang.. bo lêłe tirîfey îmşew; hełbizřikawe?!
çawî kejałit wek çû bête xew; sîs û jakawe
birîqey gonay direwşedarit; zerd û xakîye
şewq û çirîskey geşî řuxsarit; kem řûnakîye
bo zerdexeney zîwînî lêwit; bebar û girje?
pirçî řûnakî pexşanî kêwit; ałoz û girje?
ey mang şa kogay îlhamî huner; penay asmanî
zamdarekanî dił û sewday ser; xwawendî cwanî
bo şêwey şoxî bała şengeket; sist û şekete?
gyanî řazawe û řuwe mengeket; monî xefete?
diłit le astî şeway bêdaran; pest û gîrawe
wiłamî pirsî derdî bîmaran; exeyte lawe
xo minîş wek to gêjî matemim; řeşe asmanim
wekû to wêłî deştekey xemim; xuře giryanim
nek min û nek to barega û textî; şî’ir û selîqe
řeş poş û zîze wa şika bextî; kewt le tirîqe
firîşte tik tik diłopî çawî; wekû mirwarî
ebarête ser cogey zûxawî; bo kurdewarî
ezanê (melî) nukter û guftugo; koçî kirduwe
dezga û terazûy (edeb) ełê řo; bêxud mirduwe
tuxwa bêxudî azarî gerdûn; gwêm lê řagre
diłim le zûxî tasey çeq û çûn; serapa piře
wa tênegey em şare xamoşe; hata hetaye
em mil dirêjî (barey) pêxoşe; eyka be maye
ewendet zanî ama serew jûr; hewrekey řeḧmet
kurdistan piř bû le tofanî nûr; řaymałî zeḧmet
ey mang haw derdî konî dêrînim; hawar wêran xom
gułe zerdekey asmanî şînim; şar perêşan xom
were pêkewe şew berîne ser; min be sikała
toş řazî diłit hełbiřêje der; sał be dûy sała
min cestey řêzî birînî dewran; to zerdey matem
şînî bêxudî girdekey seywan; xoş bikeyn be xem