deřom

deřom, deřom,
deřom berew hewarî jîn
deřom berew beharî xoşewîstî û ewîn
berew wiłatî dûre qîndeřom, deřom
emin ke şa’îrî dijî bedîm,
le kwê dezanin çende tenge em řikey têya dejîm?
le kwê biřistî wem heye demêkî bay bałî xom bidem?
řike, eger ke şûy le zêř bê hêştê sexłete
jyanî nêw řike kiłułîye, berew nemane, meynetedeřom, deřom,
deřom berew sinûrî arezû
çi diłřifêne, xemřewêne, şewřmêne koşkî cwanî arezû
le deştî pan û berberînya,
ne xem heye,
ne tem heye,
ne sexłetî û sitem heye
le herçî berqed û nwałeye,
hemûy zemendî laleye,
le bezmî sanewey diłan,
şeřabî pêkenîn le nêw pyałeyedeřom, deřom,
lemêje, zor lemêje qafłey humêd beřêweye
gewey biřîwe řû we dund,gułim! deřom
deřom le şwênî ew kesey řikey şikand,
řiçey şikand
deřom û destî řademûsim û dełêm:
egerçî maweyek,
le nêw qełay şewa be koyleyî jyayin,
be tîn û hêzî dest û mistiman,
sehołman twanduwe,
qełatî moteman řimanduwe
sinûrman şikanduwe, hezar hêłman peřanduwe
deřom dełêm:
gizîngî berbeyan!
siław le to!
hetawî řêy jyan!
siław le to!