awat

gułim!
biłê ke kê le kwêwe hat û seyrî kame dîmenî gułanî kird?
biłê ke kame řêbwarî kame řê,
le nêw ḧerîrî kame sêweře hesayewe?
biłê ke kame tûkî kame daykî kuř nemaw,
le kame cêge kame tewqî xiste gerdinî ewey ke dawî nayewe?
gułim! be to biłêm:
le tengeřêy tenîştî gořî kon û nwê,
lemêje řûḧêkî mezin be mendî hatuço deka
tewawî nawî kêlekan dełêtewe
diłope xwênî cergî daremeytekan,
be nermî destiřêtewe
lemêje hewrî asmangirî hetawkujî sitêrepoş,
le çwar qulîniçkî çwar letî wiłatî sed sinûr,
lecyatî nim nim û xunawe, řêjnexwêne řo dekagułim!
le doł û benden û çya,
lemêje bonî hełz û xaw û pinge û kema,
qetîsî sałî wîşk û qaqiřn,
lemêje camî sanewe le destî êmeda,
betał û baqirin.
be min biłê:
biłêy le mahî bendenêkî řijd,
lebo sibey ketîbeyek le ême çê kirê?
biłêy le bezmî asmanîy kořî mosîqa,
demêkî narenarî quřgî wîşkî ême řê dirê?
biłêy şewey şewî řeşî dizêw,
be řemzî maçî gułbedem,
le nêw telîsmî xoşewîstî û ewîn xirê?
biłêy lecyatî gurz û kołewej,
guł û qełem be destewe girîn?
biłêy le germelanî xo bijîn?
biłêy...? biłêy...?