haware aşna...!

From the Book:
Gunah
By:
Ali Hasanyani (1939-1992)
 2 minutes  1919 views
Haware Aşna...!
Voice of: سەید خالد ئیمامی
ey aşna be xemî bê pisanewem!
zenwêrekanî wîşkî bizřikawî wîşkeswê,
her çaweçawî dengî çemî wîşkeřo deken
bałindekan - polî perîy dûrelêřewar -
bê taw û bê qerar,
hawarî to deken:
«ey aşna be řazî bizey tîşkî berbeyan!
řûgey ewîn kwa?
řêy pêgeyîn kwa?»
 
hawřazî aşna!
herçî hełoye bo to deka şîn û ser newîn,
solawekan, bê to qetîs le berzeko,
bałî pepûle řengî fiřî, piştî guł çema,
bon û beramî hełz û kenêr û kema nema
 
hawarî bařekewî ko geyşte ko:
«ey pîrî şareza be hemû řemzî pêgeyîn!
bałî fiřîn kwa?
mełbendî jîn kwa?»
 
ey aşna be kułukoy diłî piřim!
tarîk û řûnê hatî leřêwe be mujdewe:
«şew şeq kirawe, beyanîş beřêweye,
tîşkî hetaw, - dîlî řeha bû le dawî şew -
berxiwênî xwênî şehîdanî êweye
kanî dezênewe, zê dêne hatuço,
sozî, be dem şinewe, darî arezû,
yek yek deken çiro!»
 
haware, hey le min û wey le bextî řeş,
bûlêłê řoyî û win bûy le naxî tem
awarî koşkî řimawî sed arezû,
bûne giłî mezarî hezaran diłî bexem
dêwezme pêkenî,
dewrî hezar şê’rî be perjînî zî tenî
 
gwê bigre sirweye her gazî to deka:
«gyanim be tîrî neşterî sed gwênî kun kune
haware aşna!
bijwên le min wine»
 
řêbwarî sexteřê!
mîwanî bezmî hezaran şehîdî kurd!
manay berînî jîn!
hanay kułî girîn!
êstê be min biłê:
«řûgey ewîn kwa?
mełbendî jîn kwa?»