nesîmî meḧrem mabeynî yaran
From the Book:
Dîwanî Mewlewî
By:
Mawlawi Tawagozi (1806-1882)
2 minutes
1009 views
nesîmî meḧrem mabeynî yaran
maçan weharen sewzen dyaran
gyan we bêtaqet mwînûn aro
zahîren heway lay azîz daro
amêtey xeyał ew dił pesenden
êłaxîç hełay kemê yex benden
zeḧmet we xeyał ew azîz meder
wer neyo gyan, hîç, be wêt teşrîf ber
çun yaway persaş benałe ’erz ker:
dîm ten siftekey xestey zam xeter
dił derûn her yek we des xameyê
înşa kerdebê tuẍra nameyê
diłş kerdebê we dû huArabic merqûm
derûnş we hûn muḧîbuّkْ me’ْdûmْArabic
er tesdî’ nebo we can fîday wêt
goşder sewadiş bwanûn perêt:
we namî derman zamanî muşkuł
ce neway bułbuł ce îstîẍnay guł
«be’d» we dîdet şay new nemaman
her êd mijnewu weharê aman
nastenş heway new weharan pêm
temaşay wehar ḧałetekey wêm
şetawim hûnaw dîdey piř derden
nesîmim şinoy henasey serden
ẍunçey neşkuftem zamî karîyen
bułbułim nałey dił ewgarîyen
walḧasilArabic semûm bay tałey sistîm
pejmurde kerden weharî hestîm
ta waçî xerman xem wekonanê
we keyfî demax dûrî tonanê
xusûs çun xeber myawnanê
gułan, bułbułan, milawnanê
min wêm mwînûn xatir zîzenan
meḧrûmî boy guł řûy azîzenan
mikyano řeḧmet ḧesret we ko ko
řeḧmet pey cenab derdî dûrî to
kûrey arezû coşî sextişen
ay bêmeyl, awê, dexîl wextişen
axir nek êmeyç dax ne diłênmê
soçyay ayr çun tokłênmê
to pey nîştiman, min pey sewday to
herdû binałîn we girye û řo řo