řoyê kufir dîm îman mepoşa
From the Book:
Dîwanî Bêsaranî
By:
Mustafa Besarani (1643-1702)
1 minutes
592 views
řoyê kufir dîm, îman mepoşa
dił, îman be dest kuffar firoşa
dînî tersa girt hurgêła ce gişt
pişt best be zunnar kilîsa û kenişt
watim ey diłe, famit şo neser
kê besten be dîn kuffaran kemer?
girtenit mezheb şêxî sen’anî
îman mewreşî zunnar mesanî
diłe wat be xuday kar sazî kerîm
min ce dînî to bêzarim, berîm
ełqêwe ce zułf zunnarî diłber
nimedo be mułk dara û eskender
sub seday naqûs seyrî bitxane
dînî tersayan, kilîsa yane
xasteren ce dîn natemamî to
sucdey řyayî, subiḧ û şamî to