řoyê kufir dîm řûy îman megêrit
From the Book:
Dîwanî Bêsaranî
By:
Mustafa Besarani (1643-1702)
1 minutes
542 views
řoyê kufir dîm, řûy îman megêrit
dił ce dîn berşî, dînî tersa gêrit
pişt kerd ne mezheb, ’almanî dîn
řû ne bitxane zunnar best yeqîn
naqûs gêrit be dest, sazî gebrîy jend
îman da be kufir, dînî tersa send
watim hey diłe bê perwa ce gişt
kê ce dîn berşî, řû kerd ne kenişt
gêrtenit be dest sazî nesranî
her sub sucdey bit be naqûs wanî
dił wat be kesê dana be gişten
berşîm ce dînit řû ne kenişten
her seḧer noşay badey safî mest
ḧełqey zułfî dos zunnar besten qest
xaster ce sucdey řya berdeten
řencî sed sałey cê newerdeten