le cumley maceray dûrî wîlayet
From the Book:
Dîwanî Ḧacî Qadrî Koyî
By:
Haji Qadir Koyi (1816-1897)
4 minutes
1173 views
le cumley maceray dûrî wîlayet
emeş basêke xoşe wek ḧîkayet
şewê danîştibûm bê şem’ û mîsbaḧ
etoy hênawe yadim kake fettaḧ
gutî: ba kaẍezêkî bo binêrîn
muḧîbbî sadîqe û hemřazî dêrîn
minîş em nameyem nûsî be te’cîl
şiř û wiř wek xerar û konezenbîl
be bê teswîd û teşîh û mubalat
wekû beytî bile her çonê bom hat
bełam efkarî xome nezmî kurdî
le xumxaney xeyałî saf û wirdî
’îbaratî «derî» û «tazî»m nehêna
dezanê małî xome merdî dana
le ber pîrî emende bê ḧewasim
dełêy erkanî îslamî înasim
ser û řîşim serapa bote loke
be şew hemřazme pişmîn û koke
ẍerîbî ẍurbetî kirdim be ewtan
serapa erzî lê kirdûme zîndan
welakîn to kirîm abin alkirîmArabicy
be řeḧmet babî eş’arî yetîmî
eto mawî le nuqqadî wîlayet
ewanî tir hemû bûne ḧîkayet
eger nalî bû lêre nałî awêt
diłî kurdî buwe gerdê le ber pêt
minîş katê dezanî pêm hełengût
ecel bay seřseře êmeş peř û pût
ke name geyye êre morman kird
min û fettaḧî dana zerfiman kird
celîman nûsî erqamî wisûlî
be ummêdî qubûlî bêfzûlî
řefîqanim le koye aşna nîn
wiqûfî ḧałî êmey bênewa nîn
selamêke dyarîman dyare
le dar û berdî ew dar û dyare
xusûsen astaney ercumendî
celîzadêke ’ebdułła efendî
çi ’ebduła ’ubeydułłahî eḧrar
museẍẍer bendeyêke zeřxiřîdar
[be nîsbet to ’ubeydîllahî nehrê
wekû biznî geře, mehcûrî deyrê]
zekawet kanîyêke toy derawî
xetî îqrarî nûsîwe zehawî
melayêkî feqêyane wîqarit
beyanit awe, girde îqtîdarit
’ilûmit kafîye û şafî be wacîb
le koy to debte ḧacîb îbnuḧacîb
le daxî to desûtê [nefteweyhî]
wekû bê zerd buwe řûy [sîbeweyhî]
le meydanî fesaḧet to mucellî
ḧerîrî talîye û se’dî musellî
be ẍeyrî ceddî êwe kêhe dana
le kurdistan esasî ’îlmî dana
were ba bêyne ser basî nîhanî
be yadî ’eyş û eyyamî cewanî
be fîkirit dê zemanê çûyne bałek
be pêxawsî ne kewşim bû ne kałek
leber pêm diřk û dar û şax û barî
wekû mexmer bû nermî ya ne qarî
ke çûyne sînguře sînem giřî best
wekû qendîlî sergerdan, wekû mest
dełên êsta hewarî gurg û şêran
wekû qelbî ḧesûdî toye wêran
çikawe awî piřj û goleşînî
nemawe her le kotir ta şehînî
gerûy şêxî le luqmey koç û baran
mu’eřřaye mîsalî řozedaran
eme dinyaye namînê heta ser
lebo aza û dana, ḧîz û maker
mełê em qîsseye bê řê û cêye
le tirsî to nebê hêşta le kwêye
le derdî dûrî û cewrî zemane
gelê nezdîke zor dûrî mezane
le xom agir hełênim wek çinarok
le çawim girye derbê wek ḧemamok
be sed qeyd û hewaşî derdî dûrî
beyanî nakirê ẍeyrez sebûrî
lemewpêş şemmeyek ’erzî etom kird
biławe fîkir û ’eqiłim, weswesey kird
kewa bû çake camey xom qeba kem
berî dest hełbiřim řûy xom le xwa kem
biłêm ey řazîqî mêşûle û fîl
be heqqî cubřeyîl û hem siřafîl
hełîkey beyreqî kurdî le dewran
le mabeynî kekon û heybesułtan
le şerq û ẍerbewe ta qît’eyî ko
leber goçanî emirit bê wekû go
dezanî zeḧmete te’dadî yaran
be sed hawîn û zistan û beharan
dyare dostidaranî emin kên
le xoşnaw û le ako û deştî bîtwên
le ême her kesê pirsî temamî
wekîlî mutłeqî serfî selamî
wekû min toş binûse bê te’emmul
cewabî namekem manendî bulbul
ẍerez destixettî toye, na’îlacî
biła me’nay nebê wek beytî ḧacîPen name