le meydanî behara şarekey ko
From the Book:
Dîwanî Ḧacî Qadrî Koyî
By:
Haji Qadir Koyi (1816-1897)
3 minutes
2024 views
le meydanî behara şarekey ko
qubey kîşmîrî da ber şeq wekû go
le mabeynî kekon û heybesułtan
nisêy êware û sayey sibeynan
lelam zîllî humaye çetrî senber
çi cayê sêberî ser û sinewber
beharî bo guł û bo mîwe payîz
nezîrî ger biłêm nabê be cayîz
be řengî asman tamî nebate
be safî kewser û awî ḧeyate
nimûney cennete şîwî řezanî
beharî şame eyyamî xezanî
gułî ḧacîlekanî deşt û hamûn
nekey bîdey be nergiscařî gerdûn
leser kêwan gułûk û laleyî sûr
yedî beyzayî mûsaye leser tûr
le xunçey new demîdey baẍ û řaẍî
dełêy gerdûne hełgîrsa çiraẍî
demawendîş be nîsbet şaxî ême
beharî çeşmesarî wişkedême
le řêgay ewrûpayî gerçî westan
le teswîrî wekû ker pakî westan
le kin bîtwênî ême deştî lacan
wekû řêy baneye, hewrazî bêcan
ehalî řostemin weqtî şeca’et
le ḧatem zêtirin weqtî sexawet
kuřî ẍîlmane, kiçyan ’eynî ḧûrî
nezerbazin welakîn dûr be dûrî
be nîsbet ’îsmetî mêrdî legeł jin
eqalîmî tirin sersorî bê bin
musafîrperwer û yarî ẍerîbin
ewanin wa le her ’eybê berî bin
le dîndarî feqêyan wek çyaye
melay bo gencî dîn ḧacî qełaye
meken men’im hemûy řaste meqalem
be burhan û ḧedîsî fexrî ’alem
weten meḧbûbeyêke ḧucre’aray
nîşaney dîn û îmane temennay
le adem bigre ta dewranî êsta
yekêke ḧacîPen name lew xake hełsita
ke xemxiwarî bika bo mîlletî xoy
le beynî gewrekan û şêxî bêpoy
zemane tûşî derd û ẍurbetî kird
ẍemî koyê perêşanî hemûy kird
be qeddî awegirde derdî dûrî
nezîrî êçqełaye bê ḧuzûrî
dû aẍay mawe wek bîstûme exbar
emîn aẍa û hem aẍey saḧîbî kar
emîn û piştîwanî qesrî mîllet
nîgehbanî xezêney dîn û dewłet
le dinyada îlahî her bimênin
biney bê îttîfaqî hełqenênin
le qoç paşawe ta êsta emîrêk
le koy peyda nebû yaxud wezîrêk
leber bê îttîḧadî bûne miskên
le axîrda wekû zanîwme hełdên
le mabeynî kiławsûr û kiławřeş
perêşan û dyarin mîslî gay beş
leber em natebayî û kînecoyî
lelay řomî zelîln merdî koyî
wekû bîstûme ey yarî nikûpey
le te’rîxî cem û eskender û key
be şîr û xame dewłet payedare
emin xamem heye, şîr nadyare
ne beydaẍî heye ne tepił û kûsî
emendey pê kira bê çarenûsî
wezîfey xom be cê hêna temamî
be şîr û dewłete mîllet nîzamî
ewa xoy kirde mehdî ḧacî qadirPen name
ne nadir şay heye û ne şahî nadir