şemałî daxan
From the Book:
Dîwanî Mewlewî
By:
Mawlawi Tawagozi (1806-1882)
2 minutes
817 views
şemałî daxan ...
şemał, ya kogerd, gird yage daxan
şane şanay tay tuřey wer zaxan
miłemay bałay newtûłî baxan
hanam to xuda, penam awirden
ha, nam xudam sa pewke berden
ce wê bergî gişt, kişt hewadernî
heway zamet ker, zam dewakernî
bidye we midray seylî esrî çem
fîday bałat bam hey şemał to hem
er nîmeşew bo, wer nîmeşew bo
nîmexew, piřxew ne nîme xew bo
wêt der we nermî ne toy yemanî
new tuřey manî awî ḧeywanî
sa ewsa ne xaw çun bêdar mebo
ce ew sat ew sat aşkar mebo
midyo, midyey çêş, şemał çêş midyo
meperso çêşen hay şemał ceno?
bidye we sextîy sizay êş û nêş
henî waçûn çêş, şemał waçî çêş
er her mwaçî, waçe: çêş waçûn
waçûn êd waçe: we sergerdit bûn
řam gina nakam we nakam darê
çenî? çenî xar, çenî xar? xarê
îbtîda me’rûz pey nezer, we xew
er wîno gerdê derdî sextî ew
er sed carê bo new nemam, new deşt
ferqê nimebo pey lway beheşt
temam dewayî ce destit pêten
henî neweşî be destî wêten