zûsanen wey řeng we gerdûn yawan
From the Book:
Dîwanî Mewlewî
By:
Mawlawi Tawagozi (1806-1882)
1 minutes
1026 views
zûsanen wey řeng we gerdûn yawan
gêcyayî lûlgêc kiłêłey kawan
benabaşîy burc berze dyaran
sifîdkarî kerd taqçey muẍaran
çi şîrîn zeřger tofî heway serd
goşware ne goş newnemaman kerd
pey nîgay bałay meḧbûbî bêgerd
yex ayne girt, tem çarşêw awerd
ey meḧbûbî xas, wey bînay temam
minało pey bezim saqî û şîşe û cam
saqî, bak nîyen ce serdîy deyNamed-Entity, dey
hewa weş kerden neş’ey noşay mey
axir ser meşqen perê meyxaran
wardey wiyerdey wiyardey yaran
çun ne dił şinoy mezey mey daran
bidye çon we toy longê mewyaran
zwanekey soz, desekey nałe
bikyano, řêzo, řeḧmet pyałe
řeḧmet we řûy xak řistigaranda
pyałe we dem întîzaranda
dêren ba êmeyç ney guzerewe
camê we des nêyn, des we serewe