mamostam goran
From the Book:
Tirîfey Heɫbest
By:
Sherko Bekas (1940-2013)
2 minutes
1063 views
ey cênzirgey yaranî xamoş
mîrî şa’îran nekey feramoş
ey erxewanî azîzî seywan
axo ezanî kêt bote mîwan?
mîwanî tazet termî «goran»e
gewherî dinyay şî’rî kurdane
şabestey gyanî taze hełbeste
zîndûy edebî çira bedeste
awazî lêwî firîştey jîne
xwawendî wesfî cwan û şîrîne
tirîfey hestî mangî newroze
lûtkey hunerî berz û pîroze
gyanî mewlewî sedey êstaye
pencey nexşawî wirdî hîwaye
qîbley aramgay tasey diłdare
bała’awêney diłî behare.
***
goran ebînim: lenaw cwanîya
ejî le asoy dem beyanîya
le gomî meng û le xorinşîna
le qijî zerd û le çawî şîna
le lûtkey sipî û nizarî çiřa
le hajey çem û qełbezey xuřa
le bałay berzî zor şoxuşenga
le dołî kipî mat û bêdenga
le bay xezan û payîzî zerda
le bałefřêy pepûley herda
lenaw hêlaney sozî bulbula
le demî xunçey ser popey çiła
lenaw cirîwey estêrey dûra
le řengî ał û pemeyî û sûra
le berzîy kêwî ser keşkełana
le leranewey peřey gułana
le nîgay mestî afretî cwana
syaçemaney lay hewramana
le ’etrî bon û beramey baxa
le daruberdî řêy qeredaxa
lew cwanîyaneda ke wek wenewşe
leber çawana win û xamoşe.
***
kejawey şî’rî beharî goran
řûnake wekû asoy berbeyan
hetakû cwanî bijî û bimênê
guławî şî’rî ew epirjênê.