derd we banî derd zamanî karî
From the Book:
Dîwanî Mewlewî
By:
Mawlawi Tawagozi (1806-1882)
1 minutes
908 views
derd we banî derd zamanî karî
gird ce lam cem bî, ye teşrîf marî
ay ye çêşt kerd teşrîfit nawerd
derdit da we derd, minit matem kerd
îseyçe dîdem çem ha we řawe
hełay serweşim bew temennawe
emirit muta’en ئەەتەعْnaArabic wendim
du’ay çemezexim ce pîran sendim
te’wîzbend řîşey diłey sed parem
bergiş peřey cerg we derd awarem
ḧafîz bo we ’eşq mestanî yahû
bipêçeş ne dewr bahûy bê’ahû
îne ’adetên we zahîr aman
werne hey serxêł nazk endaman
to înd nazkît ce ḧed wiyerden
bînayî xeyał řageş gum kerden
sefat xecałet dan we camî cem
dîdey bed mer ’ekis wêş bidyo we çem
dîdey bed derdiş na dyarî bo
ce ko mwînot talêt karî bo?