diłe tebxałet we lêw mewînûn
From the Book:
Dîwanî Mewlewî
By:
Mawlawi Tawagozi (1806-1882)
1 minutes
1123 views
diłe tebxałet we lêw mewînûn
ḧałatit yekcar peşêw mewînûn
kerdenîş we teyr heło hoş berde
nakerde kerde, kerde na kerde
řicat, ga beydîm, ga bewdîmeda
ha ne gerdelûl badî bîmeda
ha nekerdebot to yet kerdebo
pêçî ’eqîdet we dił berdebo
pey çêş herko wesif weş nîgaranen
çenî ’eqîdey dił ewgaranen
to zeninit çêşen ewîç bew tewren
er meylen, meylen wer cewren, cewren
sitarey řicat her dem daro sû
demax şad, we boy we la teyْئەەسûûاArabic
wiyerde wiyerd, hewłê pey baqî
emcar ye derwêş, ye neyçî û saqî
hoş we seday def, goş we neway ney
des we şîşewe, lêw we camî mey
sefat cefa do we qefay hestî
noşa noşt bo dewaçey mestî
we kirde we fam er ga nawerden
bak nîyen wefam we baweř kerden