pêncixiştekî leser hełbestêkî «diłzar»
From the Book:
Dîwanî Racî
By:
Raji (1912-1969)
2 minutes
146 views
em pêncixiştekîye le dîwane destinûsekey řacîda nîye, le dîwanî «diłzar»ewe werman girtuwe. (dîwanî diłzar, amadekirdinî: diłzar, pêdaçûnewey: azad diłzar, çapî duwem, beřêweberayetî çapxaney řoşnibîrî hewlêr, sałî 2006, la 189-190.)
esłî huner û, fesłî hemû řaze muḧemmed
tîşkî seḧerî řojî piř awaze muḧemmed
mêşkî sedefî komełî dem saze muḧemmed
şoxêke lenaw ’alemî mumtaze muḧemmed
xawendî hezar ayetî î’caze muḧemmed
nûrêke lenaw kîşwerî canan, nîye ḧacîz
gencêke le bo new’î beşer ca’îz û fa’îz
şahêke leser textî meqasîd nîye ’acîz
manendî le naw komełî xûban nîye hergîz
serçaweyî ḧusin û edeb û naze muḧemmed
ger jałeyî nîsane, weger agirî sûre
ger ’unsurî însane, weger sûretî mûre
serberze le řûy, çunke heywilayî ḧizûre
řengîne be řuxsarî, ełêy piřtewî nûre
mexmûre be çaw şahîd û şehbaze muḧemmed
bo qedrî beşer, çawî syay girtuwe bejnî
serwî be hewa xistuwe, berzî xuwe bejnî
sîney qefesî ’îlim û, nimûney muwe bejnî
wek şetłî sinewber, be hewa hełçuwe bejnî
řêk kewtuwe endamî be endaze muḧemmed
bem terzî leb û gerdenî berz û diłî dahî
bem perçemî piř halewu, bem řûmetî mahî
bem řêze guher, řêze didane û serî cahî
bem tîrî muje û, şîrî biro û, sungî nîgahî
xawendî supa û leşkir û serbaze muḧemmed
kułme û lebekey, piřtewî dû ’aleme be xwa
nûrî qîdem û, behrewer û xateme be xwa
zincîrewu şîrazey benî ademe be xwa
herçende bikem wesfî cemałî, keme be xwa
gencêke lenaw ademîya şaze muḧemmed
can xadîmî derganeyetî, bê xur û bê xew
dił ’aşiq û perwaneyetî, řoj û eger şew
toş herwekû «řacî»Pen name be xwa meḧwî le piřtew
«diłzar»Person mebe ẍafił le cîhet mediḧ û senay ew
bo řahî necat, metłeb û diłxiwaze muḧemmed