le tengîy diłî bîmare, şêwanî karî gel
From the Book:
Dîwanî Racî
By:
Raji (1912-1969)
2 minutes
118 views
le tengîy diłî bîmare, şêwanî karî gel
be daxî ciger daxdaxe, sara û şax û kel
bekarim nedî cêge û řez û baẍ û baẍewan
le sîroçkewe xinkam, mîwey liq û serpel
ne awî jyanim pê geyşit û ne nanî merg
wişk bûmewe bê aw û nan û, le xomim çel
ne kułmey gułî hozim epşikut, ne hełwerî
ne sozî wiłatim hate cunbuş, ne dexil û xel
hemû kan û gencim kewte dest xełk û têpeřî
nekes dête hawarim, ne demka xefet pel pel
řeş û řût û bê şwên û hewarim, xułabřaw
ke řencaw û bê qazanc û mayem, çile û xertel
ne bawkim bekarhat û, ne ’eqił û ne hêrşim
becê mam leser meydanî pêwîst û qaçim şel
heta kakî xom xoy kate mamim, ’edum be xał
be sed bîruřa çarem nîye û qur’eme pîrqel
xetay xome bênazim, ke bazim be kundebû
firoşt û, ewîşim wernegirt û, le mil ma tel
metełxanekem hełnayenê, kurk û hêlki’awêj
le xoweş ke heł bê, bo pişîle û segan û qel
biłê kake jîkoPen name! sa heta mawî bê mawe
hełe û guftî bê me’na, heta dête destit hel