bo jyanî min beheştî pane maç
From the Book:
Dîwanî Racî
By:
Raji (1912-1969)
1 minutes
143 views
bo jyanî min beheştî pane maç
lew gułî kułmet be gyan herzane maç
min le mindałîwe lêwî xom desûm
ta bikem carê le ew lêwane maç
maçî lêwî to le qend şîrîntire
bo musłiman û seqer nêwane maç
çon esûtênê cehendem, ew kesey?
xoşdiłîy ka, lew serî kułmane maç
qet le mamłet naye sayey zułfeket
wa beranber komełî însane maç
maç nebê ’alem diřindey yektire
yekdigîrî hêzî jêr asmane maç
necmeyî ser şanî paşa û geda
xawenî biřwa û şikoh û şane maç
dujminî giryan û sextî û tałîye
dostî berzî û xoşîy û xendane maç
’alemî ẍeyb û şehadet der’exa
şahîdî bûnî hemû îmkane maç
tûxwa ta řoḧî sextim der’eçê
bimderê řojane yan mangane maç
pêt biłêm jîkoPen name îtir ’îlmî pizîşk!
bo hemû derdî giran, dermane maç