boçî napirsî le ḧałî ’aşiqî mîskîneket?
From the Book:
Dîwanî Racî
By:
Raji (1912-1969)
2 minutes
154 views
boçî napirsî le ḧałî ’aşiqî mîskîneket?
kewtuwe, bêkes denałênê, îtir ẍemgîneket
zar û hawarî şew û řojî, semay dagirtuwe
geh desûtê, geh desûřê, bo çiray řengîneket
bulbulêkim, nałenałim ’alemê bêzar eka
kwa ḧebîba, baxî xunçe û sunbul û nesrîneket?
meyperistêkim le xaney ’îşqewe nagirim qerar
têke, bom danê hedîyey pencekey zîwîneket
şahîdî xał û xetit îqrarîyan dawe ke to
demkujî herdem be tarî perçemî çîn çîneket
le’lî lêwit key deka şîrîn, mezaqî řoḧî min?
wa geyşte falî serwet, çawî talî’ bîneket
leḧzeyê destim negeyye baxî şimşad û henar
her teref dewrey esûřêm, manî’e perjîneket
merḧemet nakey ke carê bême menzergahî řût
ya besîte, kes qibûł naka řuxî ayîneket
serzedey camî xerabatim, le sayey ’îşqewe
burcî nesxî řojî ’eqłe, komełey perwîneket
řêm nîye, bême kenarî cennetî tabanî to
çend telîsim û sîḧre wa poşîwîye gencîneket
řacyaPen name, awî ḧeyatit her le lêwî diłbere
heste xêra be qumê fiřke, nesûtê sîneket!