aramî gyan nemawe ke aramî gyan nîye
From the Book:
Dîwanî Rohî Mewlana Xalîd
By:
Piramerd (1867-1950)
1 minutes
460 views
aramî gyan nemawe ke aramî gyan nîye
gyan wa leser lêwane ke řûy mîhreban nîye
firmêskî serd be seḧney řûy zerdema «wa» ke dêt
awî řewanî baẍçeye serwî řewan nîye
dawên wekû çemen gułî firmêskî piř buwe
ew newnîhalî zînetî baẍî cînan nîye
fêy şêtîyek ke toşî diłim bû le xettî ew
lay şêtî şapeřî perî řuxsaran nîye
hênd diłřifîne qudřetî çalakî ew lelay
dest û meqam û ḧemleyî şahî cîhan nîye
şahenşehêke herçî le emrî ewa nebê
bende, le şeşderaye, emîn û aman nîye
herçîş ke piştî best wekû «cewza» be emrî ew
aramgehî ẍeyrî serayî asman nîye
’îlim û sexa û şeca’et û ’edil û kemałî ew
lay şafî’î û ḧatem û řostem û newşêrewan nîye
şukirî xuda dekem ke le te’sîrî lutfî ew
bakim le çawezarî fîtney zeman nîye
çawim leber xecałetî hełnaye bo ewey
ew tozî astane le çawma ’eyan nîye