perî şê’ir
From the Book:
Tarîk û Řûn
By:
Hemin Mukriyani (1921-1986)
3 minutes
3452 views
ey kiçî cwan! kiçî lebar!
ey kiçî zana û xwêndewar!
ey gułałey nwałî kwêstan!
mayey şanazî kurdistan!
tîşkî hîway dwařojî řûn!
sařêjkerî zamî derûn!
gelawêjî beşoqî geş!
řûnak kerewey şewî řeş!
beharî xêr û bêr û hat!
giznigî beyanî awat!
şê’irit dewê le minî pîr
le minî pîrî goşegîr
le şa’îrî ziman biřaw
le şa’îrî defter diřaw
le şa’îrî besała çû
le şa’îrî wişk hełatû
şê’rêkî teř, şê’rêkî xoş
şê’rêk diłan bênête coş
şê’rêk damirkênê derûn
be birînan bênê goşte zûn
şê’rêk wek xunawey baran
şê’rêk wek sirtey diłdaran
naskitir le hewday xeyał
şîrintir le bizey minał
wek areqey henyey cwanan
wek diłexurpey cê jwanan
wekû keşim û neşmî bûkê
wek řeng û bonî gułûkê
bê xewş wek awingî guł
piřpiř le hest û soz û kuł
le awî kanî řewantir
le pelkezêřîne cwantir
şê’rêk wek sêberî bijang
wekû xermaney dewrî mang
řêktir le geřî řeşbełek
xoştir le xirimjinî kirmek
le kuşînî destî do xoştir
le meke û eyeřo xoştir
wek nîgay çawî xewałû
be leşanda bênê tezû
wek şerab bigeřê le xwên
xemřewên bê û neşebziwên
şê’rêk wekû deryay bê bin
gerimtir le baweşî jin
şê’rêk sirûdî şadî bê
şê’rêk dengî azadî bê
şê’rêk mizgênî necat bê
şewçeley kořî xebat bê
şê’rêk řeq bê, řiq bê, qîn bê
giř bê, biłêse bê, tîn bê
şê’rêk sengiçnî senger bê
şê’rêk birîqey xencer bê
hêzêk bê dujmin bezên bê
mistêk bê gurçû tezên bê
biłêsey gulley hełmet bê
şepołî řiqî mîllet bê
şê’rêk nûstû řapeřênê
şê’rêk dujmin dapeřênê
bişkênê derkî bastîlan
azad bika koyle û dîlan
hełbiřê qefî zencîran
çek bidate dest yexsîran
bipeřênê destî cellad
bihařê satorî bêdad
nirkey sîngî kirêkar bê
ałay şořşî cûtyar bê
herwek giřî agirî newroz
řemzî azadî bê û pîroz
hezaran kawey zeḧmetkêş
pał pêwe binê berewpêş
şê’rêk hem tund bê û hem wird bê
yanî şê’rî ewřoy kurd bê
bełam ey firîştey cwanî
řeng bê em nukte nezanî
perî şê’ir wek kiçî cwan
bo pyawî pîr nayete jwan