tarawge

derfet nemawe
cîhan be heştaw
berew seretay degeřêtewe!
xwakanî zewî,
defrî asmanyan
le estêre û řoj, le mang datekan.
werz le qonaxî xoy řapeřîwe
şêwawe û zeman
desûřêtewe be dewr medarî mirdina, dinya...
berew kwê deben?
bo kam tarawge
bo kam mergecař
însanî tenya?!le hemû lawe...
řûbarî xwêne
deřjête deryay qûłî sedey bîst!
řêgey řizgarî mirov besrawe
lem kewîreda,
şeket û mandû
řû le her layê dekey serabe
baranî derd û řence debarê
bo bałindey dîl, perwaz xewnêke û
asman qorxe
zewî bist be bist
tepkey destikird û tamûsk û dawe!