be to çî tawił û çîẍ û cêgewarî
From the Book:
Kilpey Derûn
By:
Mulla Abdulrahman fatehi (1930-2002)
1 minutes
346 views
erê ey dił heta key wêłî yarî?
heta key çaweřêy geşt û guzarî
hemû ’umirit le řêy ’îşqa le des çû
be pîrîş bo gułit her bê qerarî
nîye aram û sebirit, wêł û şeyday
nexoşî çawî mestî piř xumarî
wekû bulbul çya û doł bote cêget
le kwêstan guł nema xo asewarî
ewey yarit be toy kird kê be kêy kird?
ḧeramî kird le to lay lêřewarî
wekû qendîl be serberzî bijî to
wela nê meylî dostî yarî yarî
hemû dinya geřay axîr serencam
le goşey mîḧneta bê guł’uzarî
le baẍ û gułşen û seḧra û der û deşt
be tenya toy ẍerîb û nadyarî
deba bes bê heway dinyaperistî
ke to ’ebdî xuday perwerdigarî
biłê yařeb be cahî seydî sadat
be ḧubbî ḧeyder û hem zulfeqarî
le tawan û gunahim xoş bî ya řeb
bike řuḧmêk be girye û şîn û zarî
xudaye řeḧmetit biřjêne serman
be çeşnî řêjnebaraney beharî
ke mirdî «fatîḧîPen name» kirdet be kar dê
be to çî tawił û çîẍ û cêgewarî?