fut şidin mîhin banu
From the Book:
Şîrîn û Xusrew
By:
Khana Qubadi (1704-1778)
4 minutes
291 views
tawus xamey şox xoş xeram
pey fewt banûy nadîrey eyyam
çun tûtîy sersebiz şeker xay diłben
bey destûr kerd meselsel suxen
cenab ’ewlyay bełqîs .....
banûy meryem qedir, noşabey anî
«ḧesb alḧukimArabic» zat padşay la mewt
ferd « zu alcelalArabic» dûr ce fena û fewt
řuwê ce řuwan ce dewr ẍeddar
be ’arîzê kefit sengê giruftar
berg erẍewan řuxsarş ce derd
bêza zerdîy řeng ze’feran zerd
ẍunçey dehanş wext şeker xend
mikerdiş řîşxend be cellab qend
ce tuẍyan derd sefray piř sitem
tał wêney jar sozendey erqem
sa ke me’lûb bî zana be taqî
pêş minoşo mey ecel çun saqî
ce sextîy azar nała çun bułbuł
řêzna gułab ce nergis be koł
şewê tełeb kerd şîrîn dił řêş
nyaş wêney şem ne balîn wêş
watiş ey firzend firozendey text
çun be kirdey çerx şûm naşnext
sułtan serheng kuşnidey ecel
kerdenş qełay zîndegîm qebel
cey tenginay dehir wextê bîm řahî
tac û text û genc esbab şahî
be to dexłişen şay firîştexû
teseřřufiş ker, mubarekit bo
êd wat û çenî henasan serd
gyan şîrînş be qabîz siperd
mendewe be ca qesir û eywanş
say seng ełḧed bî be seywanş
xurşîd ’umirş kefit ne syahî
me’zûl bî ce text feřbexiş şahî
şîrîn dîş banû kiłaf sosenî
şabaz şeş dang şox ermenî
tawus řoḧiş ne ’ersey eyyam
be xergay piř nexiş gerdûn kerd xeram
zîřna û xêza ne ca çun supend
zîřeş nîşt ne çerx sîmabî peřend
nergis ce laley esrîn piř hûn kerd
ce hûn berg guł şeqayq gûn kerd
daş be řûy wêşda yend ce dax û derd
řeng yaqûtîş bî be lacîwerd
be naxûn horkend nexiş nuxtey xał
çun feyrozey saf ne řûy daney lał
sîlsîley zułfan çun mîşkîn kemend
çend biřî be têx, çend be naxûn kend
wat wey řo ne des çerx neyrengisaz
ga şîşe geren, gahê şîşesaz
ga mibexşo pêt şahî zeřřîn řext
ga textey tabût mikerot be text
ga ce ser ta pat mipoşo be ten
gahê mikerot muḧtac be kefen
çenî bendegan bunyadiş beden
namerdiş keran firawan ředen
be êd şad mewer mobetiş germen
abřûş nyen, şûmen, bî şermen
nimez kam kes bî ce kemer lałan
ce destiş nebî be watey sałan
bişo be famda «xanaPen name»y camî tewr
kam zeř befit poş bî ne řûy ’ersey dewr
newist be mîrat esbab ałaş
şa kefen newřî we bejin bałaş
kam řo bî ey zał şûm sał kuhen
ne laşey şahan newstiş bey ken
axir xor kor nît ya keř hey bêhoş
mwînî be çeşim mişnewî be goş
her şan merde şor mikero řûtiş
sernîgûn mibo tacic yaqûtiş
zînhar be dadey fełek şad meber
be qas pey hîçkes nyen ta weser
ta minyo ne ferq yekî tac zeř
de saḧêb efser mikero bê feř
ta dûkes ne dûr mikero dara
sed kes mikero be xak sara
xuda bêzar bo ce kedxudayîş
ce mertebey pûç şahî û gidayş
pey çêş? er geda er padşanî
axir her be merg mikerot fanî
sa herkes piř ’eqił danş efzûnen
şarezay gerdiş bê poy gerdûnen
pey genc dinyay bê namûs û neng
ce «mudة al’umirArabic» nimebo diłteng
pa minyo ne řay řast qena’et
wêr dero be zîkir tewḧîd û ta’et
minîşo pey wêş bî dawa û kełk
ta ew řo ke merg wîney bulfelek
byawo peneş bigêro naqiş
cey dinyay kem şerit mikero taqiş
«ya sadiq alu’dArabic» munferîd be zat
yektay bê zewał, «la aḧsîٰArabic» senat
«xanaPen name» ce şořş ’ersey dar û gîr
ce na’îrey nar sozendey se’îr
be kerîmîy wêt nîgehdarîş ker
defi’ zerdîy řoy şermesarîş ker