giftar dir tiẍîyr qizay ti’lîqî

From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
 6 minutes  683 views
derwêş ce teẍîyr qezay te’lîqî
şahîd peyda ker eger sîddîqî
şahîd metłeb ney ca ker ḧazir
çun şêx kerxî ne ’am newadîr
me’rûf ’am bî ne şehir beẍdad
ne meḧelley kerx mekerdiş îrşad
yek řo ce dimay selat wista
ewrad û tezkar nutqiş kerd eda
çeşimş ne mîḧrab sewme’ey kerx bî
fîkirş ne bazar perdey berzex bî
dîdey ser ne ’eyn ’ałem poşabî
’eyn zemîrş ne temaşa bî
derkiş ne seyran sun’ sanî’ bî
qelbiş ne enwar nûr nafî’ bî
îlham qelbî weneş bî ḧasił
bikerd tefeřřuḧ toy dîcley cahîl
horêza we pa me’rûf zeman
řû be dîcle kerd çenî murîdan
ne za’îqey zewq îlham ne coş bî
ḧeyran ḧîkmet şay xetapoş bî
megêła ne qurb kenarey dîcle
dîşan ne dîcle berzen ẍulẍule
seyr kerdin quffe megêła ne ab
quffe nişînan menoşin şerab
yek la ce mestî û badey qerqefen
yek la seday saz kemançey defen
’erz kerdin be şêx ey saḧêb îrşad
seyr ker çi bîd’et ser dan ce beẍdad
ce dewrîyey şehir nedaran ḧîcab
ce myaney şet menoşin şerab
her kes bikero gunay aşkar
ewkes mebẍûzen ce perwerdigar
xase «şîx alîwim qitib alaqtabArabic»en
gunah cehrî ne îztîraben
dûr ba ce dinya şêx kero řeyḧilet
sermedo ce nas kufir û zelalet
meqbûłen ce ḧeq du’ay şêx teḧqîq
du’a ker quffey fussaq bo ẍerîq
’îbret bo perê zumrey fasqan
şayed ne gunay cehrî nadîm ban
şêx ferma yaran darîm du’ayê
êwe amîn ken, her yek ne layê
dił ne meşẍeley tecellay lîqa
dest nyaziş berz kerd ne hewa
be soz girye ’erz kerd îlahî
her toy xetapoş ce meh ta mahî
quffenşînan bey ahengewe
bey ’eyş û ’uşret, bey çil çengewe
azad ban ce nar, qenterey sîrat
şad ban be ’uşret et’îmey cennat
’erz kerdin be şêx, mer hey mubarek
ey fîkire çêş bî kerdî tedarek
ḧeyf nebî pey şêx ey du’ay bê ca
perê zîndîqan bewêş do řewa!?
şêx ferma er şax emel bido bar
ḧîkmetiş el’an menmano asar
nagah ne quffe peyda bî feze’
waweylay dirêẍ be zarî û ceze’
şikestin semtûr çil çeng û řubab
hewadan pey şet şîşey badey nab
řû kerdin be şêx quffe be şîtab
eşk dîdeşan carî çûn sêlab
ser dan be saḧîl, xiroşan be zar
’erz kerdin be şêx tewbey îstîẍfar
hey ya şêx aman řeḧmê ker be ḧał
tewbe, sed tewbe ney bedîy ef’al
ya şêx bo be ’îşq zat sebûḧî
’eta ker tełqîn tewbey nesûḧî
ferma ta tekye biken tecemmul
ḧellen ce tekye ’uqdey her muşkîl
’erz kerdin be şêx nedarîm taqet
giryey îştyaq be dił dan ḧîrqet
ta dest bey’et nedey be îxlas
damanit ne dest key mebo xelas
pêçan damanş girewan xeylê
řeḧimş eser kerd pêşan kerd meylê
dest bey’etiş pêşan kerd ’eta
sebit bîn ne defter xasan xuda
yazde merd newca yawan be îman
me’mûr bîn be emir qedîm mennan
şêx be giryey zewq mestîy îstîẍrab
ba kuttabîyan ama be xîtab
zat ḧeq ḧekîm ’edił û wehhaben
ře’ûf û řeḧîm, řebib û tewwaben
sed sał ne kufren «kafir balilhArabic»
sîdiq teşehhud her an kerd eda
her weqit bî nadîm ce kufir û ’îsyan
meẍfûren ce bab me’delet nîşan
ḧîkmetiş ẍalîb, qudret bî şumar
deryay řeḧmetiş nedaro kenar
du’ay xeyrî min nebî bê ḧîkmet
watim fasqan şad ker be cennet
bê tewbey îxłas fîrqey fasqan
çi tewr meban şad be qesrî cînan
ḧeq du’am ce bab ’alî kerd qebûł
tertîb tewbeş awerd be ḧusûl
quffenşînan ce fî’il ’îsyan
qezay te’lîqî cêşan kerd ’eyan
hem ewan şad bîn be feyz ẍufran
hem pey ême bî ecrê ce îḧsan
eger bikerdam min du’ay ẍerîq
sebit mebîm ne sînf qatîl be teḧqîq
xisûs muḧemmed «xitim almirsilînArabic»
xelqiş řeḧmeten perê ’alemîn
dyaren asar řeḧmet ce îla
delîlş sazan perê her gumřa
ferz her kesen zumrey mu’mînîn
du’ay meẍfîret pey îxwan dîn
murîdan ce şêx kerdin î’tîzar
toy dewłet pena, ême ’ebid zar
toy xermeney meh, ême xoşeçîn
ce xoşeçînan meber dił ḧezîn
keftin ne qedem şêx saḧêb ḧał
yawa be teskîn ferteney celal
feqêPen name dyaren te’lîqî û mubrem
teqsîmen ce bab şehenşay e’zem
ce ’umir û ce řizq, sewab û xeta
ne weci’ û sîḧḧet, eymenî û beła
ce ’îlim ezel aman be řeqem
ce be’zê te’lîq, ce be’zê mubrem
xelq her ’îllet ce ḧeqqen peyda
hem pey her ’îllet ce ḧeqqen dewa
ta ce ’ebid ew fî’il neyo be wicûd
nîyen îzafey ew merd meqsûd
deway ’îlley kufir muşrîk û gumřa
te’lîqen be sîdiq qewl enbya
hem ce qewl û fî’il sebeq bî nadîm
herdem ce tewbey îxlas bo muqîm
emirş me’rûf bo, nehîş ce munker
ewsa şad mebo be lutif ekber
êden şaystey şe’in bendegî
’îciz î’tîraz ce şermendegî
hem êden qanûn umûr dinya
er muqessîrê fîrar ko ne şa
nadîm bî cew zenb, er bî xecałet
me’fuwen cew şa er kerd dixałet
xusûsen dergay zulcelalîy ew
řeḧmet ’ammey layezalîy ew
her kesê ce zenb wêş bî peşîman
kerdiş dexałet be qapîy yezdan
be tewbey îxlas kerdiş îstîẍfar
çon me’fû nîyen ce perwerdigar
her ga wey tewren perê ’ebid zar
lazmen nałş ne perwerdigar