şewgar direngen nemenden wîs’et

From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
 4 minutes  714 views
şewgar direngen nemenden wîs’et
yekser ne xwaben cumle cema’et
şêx ferma yaran meden teşwîşe
ce umûr ḧeq darûn endîşe
çun nabełed bî ne řay meyxane
qîblenumay dił kerd be nîşane
ta be yek suqaq kerdişan ’ubûr
kerdin îstîma’ zayełey semtûr
’erz kerdin be şêx řaman kerd ẍełet
bîn be hedef gay ẍeybet û tuhmet
ney ca guşaden qapîy meyxane
îstî’aze ker ce zexim tane
cagey to nîyen meyxaney mecaz
ha bişnew ce toş meyo seday saz
şêx ferma yaran çarim naçaren
emir ekîdey perwerdigaren
perê meyxane ba zû bîm řahî
seyr keyn ce řumûz ḧukim îlahî
ta be meyxane řahî bîn ne řa
be sewt cehrî bîşirş kerd seda
mesmû’ bî ne bîşir sewt piř mehîb
«miczubaًArabic» derḧał be wêş da nehîb
ce te’sîr deng ew «wilî alilhArabic»
be pay buřehne dewan bî ne řa
çun yawa be şêx ne bîrûn bab
seranser xecłet e’zaş kerd be ab
çarş her êd bî be ah û fuẍan
kefit ne qedemgay ew qutib zeman
şêx ferma hey bîşir kotaker zarî
nîyen weqit ’îciz ne şermesarî
henî nemenden qîsmetit ney ca
horêze bişîm perê xaneqa
derdim horêza bîşir dił ḧezîn
řahî bî çenîş be sîdiq û yeqîn
çun şêx nîşt ne toy xełwetxaney wêş
emirş kerd be bîşir ḧazir bî ne pêş
ce kirdey sebeq kerdiş peşîman
bikerdiş tełqîn adab îman
cewdima şad bî be dest bey’et
meşẍûł bî be emir teqwa û řyazet
qelbiş ne jengar zunûb bî safî
meşhûr bî ne ’am şêx bîşrî ḧafî
sebeb kunyeş bikerûn beyan
paş buřehne bî ce ḧîza ḧefyan
ta ne ḧeyat bî ew «wilî alilhArabic»
pak bî ne encas suqaq û seḧra
er pey tefeřřuc bîşir kerd aẍaz
řîcleyniş hergîz nebo bê numaz
persaşan ce bîşir hey saḧêb dewłet
ce pay buřehne mer çêşen ḧîkmet
fermaş şêx cuneyd minş kerd nîda
be pay buřehne lwam be derga
ey feyz ce sayey buřehnegîy pam
ce perwerdigar be min bî în’am
sa derwêş! seyr ker ne umûr kar
ce beḧir îḧsan «’izîz alẍifّarArabic»
er mededkar bo ce wêş yek meşyet
’ałem megêran řagey hîdayet
emma er meyliş řast bî be herkes
ew kes meko terk «af’al alincisArabic»
ta ne îta’et nenmano sebeq
nimebo elyeq be eltaf ḧeq
qaym ken yeqîn fîrqey cebrîyan!
bî îta’ey emir zeḧmeten cînan
nek wêney êwe bê emir ta’et
meşẍûł bo be emir kirdey me’syet
kirdey bedîtan nîsbet den be ḧeq
’eyn tuhmeten, hem kufir mutłeq
er ’eqîdetan be yeqîn êd bo
nimebo xeta ce ’emruzeyd bo
kesê ne amîr wêş dił muqîm bo
be nîk û bediş mebo teslîm bo
be ’erz êwe er bîn te’eřřuz
nimebo newkes biken kîne û buẍiz
nek be ḧubbiş şad, buẍziş baẍîz bî
be ’etaş xuşnûd, ce exiz ’aciz bî
mutî’ be heway nefis bî her bar
ce umûr şer’ bigêrî kenar
yek la meşẍûł bî be ekil û be şurb
ne yek la darî qesd teqeřřub
kirdey wêt ce ẍeyr maçî teqdîren
er ẍeyr kerd ce to maçî tedbîren
nefis ḧeywanît kerden murexxes
neşu numaten ce hewa û hewes
wêtan ḧekem ban fîrqey cebrîyan
ẍułamê wey tewr ne qapîy wêtan
ẍeyr ce ekil û şurb, ce xwab ẍefłet
nebo îta’eş ẍeyr zułim û zîllet
qebûłtanen ew merd ẍułam
herdem tełeb ko ce êwe în’am
be te’zyey nefis, weswesey şeytan
xaney uxratan wey tewr bî wêran
muḧemmed serxêł cem’ řusul bî
herdem be teqwa û ta’et meşẍûl bî
her şew ne qyam sucde û řukû’ bî
her řo ne syam tewbey řucû’ bî
her yen ta’et kerd ew şay «xîr alnasArabic»
pay mubarekiş her dû kerd amas
ce êd nizûl bî ayet «tahaArabic»
nekerdîm nazîl qur’an «litşiqîArabic»
herçî tekalîf emir qur’anen
ce sînf beşer ḧedid îmkanen
«derwêşPen name» ne meqam teslîm û řeza
şemmê beyan ker ce «xilîl alilhArabic»