kirmancîy xwarû

ke dêyne ser ew zimane edebîyey êsta kurdîy pê denûsrê û seretakey le beşeşêwey (silêmanî)y kirmancîy xwaruwewe destî pê kirduwe û gelêk nawçey girtotewe, debê pêş hemû şitêk çend têbînî beramber be şarî silêmanî binûsîn, ke bedaxewe hendê kurdî kolkexwêndewar le hoy řasteqîney pêşkewtinî ew şare nagen û deyanewê be zor corî çewt û dûr le zanistewe lêkî bidenewe û hewłî ewe biden ke bibne kospêk le berdemî ew pêşkewtineda, herwek westandinî ew pêşkewtine ke zirûfî mêjûyî û mewzû’î dirustî kirduwe sûdî kurdî tya bê û core ’edaletêk le pêşkewtinî kurdistanda pêk bênê, ke le řastîya ger ew pêşkewtine bwestênrê, ewa ’edalet le dwaxsitinî hemû kurdida pêk dê nek pêşkewtin.