ne diłey xeman pey çî xeftenî
From the Book:
Dîwanî Seyd Yaqoy Mayîdeşt
By:
Seyd Yaqo Mayidasht (1808-1881)
2 minutes
429 views
diłe we seng bay ...
herzey harcayê sałê we seng bay
yey řeng dujmin, dûs dûřeng bay
perê nakesan ḧeyfen we teng bay
ne diłey xeman pey çî xeftenî
wey dunya řoşin mer neşneftenî
xirsê řefîqî lûtî kerdebî
daym řûḧşan we yey perde bî
ne diłey baxî herdig hamdem bîyen
lew hamdîda, biřê le xem bîyen
xirs wat we lûtî: bînayî çemanim
satê ser bineyr we řûy damanim
ta min jey baxe musteḧfez mebûm
kişîkçî xełqan dexił zeř mebûm
lûtî kemergaş lehem kirdewe
ne say xanebax xewş birdewe
çûnke xurakî newca mîwe bî
we dewr lêwî şîreş pêwe bî
megezeyl cem bîyen we dewr çawî
muhłet nimedan bwerû xewî
xirs ke eydiş dî cergî biryan bî
pey biraderş dîde giryan bî
pexşepeřanîy biray wêş mekerd
we nêş naxûn sîne řêş mekerd
lwa yey sanê webê kînewe
we ẍezeb wîr daşt, girt we sînewe
çûnke nadan bî dest lêş cuda kerd
keley biray wêş we tûtya kerd
herkes we dûs nadan řizaşen
axir çûn lûtî, îne sizaşen
ser yaqû we dûs nadan girtinet
fire nîyen meḧnet zwîxaw werdinet