sirûdî têkoşan
From the Book:
Sirwey Berbeyan
By:
Qani (1898-1965)
1 minutes
759 views
beyane kurde heste, ’alem be xoşî meste
herçî ke biłḧ û siste, damawe mat û ḧeyran
her be cûłane xoşîy jyan
têkoşan têkoşan
sirwey nesîm û neẍmey teyrî berî beyanî
têkeł ebin wekû ney, ełên jyane cûłan
her be cûłane xoşîy jyan
têkoşan têkoşan
ḧeywanî kêw û małî, masî û mêrû, webałî
heryek be gwêrey ḧałî, ełên jyane cûłan
her be cûłane xoşîy jyan
têkoşan têkoşan
karwanî kewtine xo, şwan řûy kirde deşt û ko
cûtyarîş kewte hoho, qaspey kewan le kêwan
her be cûłane xoşîy jyan
têkoşan têkoşan
cûłe nîşaney jîne, kar û pîşe şîrîne
tê’ekoşin yekbîne, najmêrdirên be însan
her be cûłane xoşîy jyan
têkoşan têkoşan