çêşen peşêwîm matemî diłen
From the Book:
Dîwanî Mewlewî
By:
Mawlawi Tawagozi (1806-1882)
2 minutes
1256 views
çêşen peşêwîm: matemî diłen
ya kizey amay namey bułbułen
şahîdî danay girdîn eḧwałan
wesen pey řasîy ’erzey melalan
êşî hamferdim, êşî wêm zanan
derdî hamderdim, derdî wêm zanan
bełam to qezaw bêtedbîrî wêt
kerden pêt ana herçî kerden pêt
key to xeyałêt we derûn awerd
hanat kerd ew min, min bêmeylîm kerd
ta te’sîrê bo perê şew nałet
ya pey henasey sub du’a û lałet
goya ce lawêt derûnit êşan
bed du’ayît kerd tesdî’it kêşan
min řoy mamełey girdîn xas û kes
cew řase bazař şarekey eles
ce ser dûkançey şay ser tucaran
hurgirtim kałay bełay nazaran
naman ne goşt mer ferdekey min
ferdî weş mezmûn bêgerdekey min:
er her sat derdê derdêwter çenî
beyo maçû ax pey derdê henî
yekêwen ce lam şadî û řencûrî
keyfî û bêkeyfî nizîkî û dûrî
mer çun to hełway meḧebbet xamê
qebay ’eşqî dił pişt natemamê
weşî û naweşî tefawit zano
melê nezano her pelê şano
meyl û qîn herdû her ce şexsêwen
cerîme û xełat şêwey kesêwen
la hurkerde cew, pey êd temaşa
bew şad, pêd naşad kelaّ û ḧaşaArabic
sa her du’a ker ba çerxî çepgerd
ta taqetiş hen her bişano nerd
min wizo ew derd, ew ew serdî meyl
ew ew qebayl, min ew koy duceyl
xusûsen, bułbuł ce lay zamdaran
dûrî xasteren ne wesłî yaran
nizîkî yagey terîdey fesłen
dûrî řay xeyał qafłey wesłen
pewke xû girtey beław kosenan
nizîkî bêzar, dûrî dosenan
ne koy nizîkî şadî we badim
ne dewrey dûrî we yadiş şadim