řûdawî herdû dîwî pencereke

lewdîw pencerey tezîwî zistanewe..
dû çawî geşî piř eşk û niza..
bedem şepolî gil û janewe
tik.. tik.. win ebê..
le tarîkîy û tem û mija.. detwêtewe
ta satê zûtir.. xwa tabûtî şew..
le daristanî berebeyana.. bişarêtewe
keçî ta dê şew samnaktir ebê..
xwa nařwanête sîmay piştî ew pencere řeşe..
ke mirovêkî tenyay kiłołe
pêxefî hewr û serînî xołe
egrî û epirsê..
meger be tîşkî zerdey mergî xom..
sehoł bendanî şew bitwêtewe!
cigerey ebedîy xemî gerdunim le lêw bêtewe
egrî.. eyewê xoy bisûtênê..
cestey tezîwî agir têberda û
ta dwa henasey em jîne pestey..
piř bê le oxey..
leber řoşnayî sûtanî xoya..
wêney giznigî awabûy jînî bidozêtewe..
xołemêşî xoy têkeł ka legeł gerd û sûtwekey
agir şik naba..
dête derewe..
benaw cengełî tabût û merga
řuwew kenarî gořistaneke ekewête řê
le kasey serya..
hewrî xokuştin eřewêtewe
bełam hezar dax hêndey pê naçê..
segekanî beg eygirin.. ełên..
eme hatuwe le telbendekan bipeřêtewe û
nexşey cogekan têk bidatewe
let letî eken.. kesîş termekey nabînêtewe!