بەو چاوە کە لوقمانە تەماشا کە بزانە
لە کتێبی:
دیوانی سابیری
بەرهەمی:
سابیری (1881-1944)
1 خولەک
487 بینین
بەو چاوە کە لوقمانە تەماشا کە بزانە
وەجهی چییە ئەم خەستە کە هەمڕەنگی خەزانە؟
خانەی بەدەن و عومرم بە سێڵاوی سروشکم
وێرانە لە بنچینەوە نەزدیکی خزانە
خورشیدی جەماڵی کە جیهانگیرە عەجائیب
بێچارە بیابانی دڵم خۆر نەوەزانە
زامارم و بیمارم و لوقمان و فلاتوون
هەردوو لە دەوای دەردی دڵم پەنجەگەزانە
من بەندەیی گەردنکەچ و تۆ شاهـ و ئەمیری
گەردن ببڕە، بمکوژە ئەمما بە سزا نە!
ئێوارە کە ئەبرۆیی هیلالت بنوێنی
ئیفتاری شەوی عیدی سیامی ڕەمەزانە
.... ئاوازی خۆشی گوێچکی خەڵکی
مانەندەیی سائیم کە خەبەرداری خەزانە
بەم چاوە سەبووریم نییە تا تۆ بە دەمی خۆت
تەنبیهی نەکەی سابیریناسناوی ئەدەبی خۆ شێت و نەزانە